ലോസ്ഏഞ്ചല്സ്: ഓസ്കര് പുരസ്കാര ചടങ്ങില് അവതാരകന് ക്രിസ് റോക്കിന്റെ മുഖത്തടിച്ച് വില് സ്മിത്ത്.
ഭാര്യ ജാദ പിങ്കറ്റ് സ്മിത്തിനെക്കുറിച്ച് ക്രിസ് റോക്ക് നടത്തിയ പരാമര്ശമാണ് വില് സ്മിത്തിനെ പ്രകോപിതനാക്കിയത്. അലോപേഷ്യ എന്ന രോഗം കാരണം തല മൊട്ടയടിച്ചാണ് ജാദ എത്തിയത്. മികച്ച ഡോക്യുമെന്റിയ്ക്കുള്ള പുരസ്കാരം പ്രഖ്യാപിക്കുന്ന സമയത്ത് ക്രിസ് റോക്ക് അതേക്കുറിച്ച് തമാശ പറഞ്ഞു. അവരുടെ മൊട്ടയടിച്ച തലയെ കുറിച്ചായിരുന്നു ക്രിസ് റോക്കിന്റെ പരാമര്ശം. ജി.ഐ. ജെയ്ന് എന്ന ചിത്രത്തിലെ ഡെമി മൂറിന്റെ രൂപവുമായി ജാദയെ ക്രിസ് റോക്ക് താരതമ്യപ്പെടുത്തി.
എന്നാല് റോക്കിന്റെ തമാശ വില് സ്മിത്തിന് രസിച്ചില്ല. ഉടന് ഇരിപ്പിടത്തില് നിന്ന് എഴുന്നേറ്റ വില് സ്മിത്ത് വേദിയിലെത്തി ക്രിസ് റോക്കിന്റെ മുഖത്തടിക്കുകയായിരുന്നു. ‘എന്റെ ഭാര്യയെ കുറിച്ചു നിന്റെ വൃത്തികെട്ട വായ കൊണ്ടു പറയരുതെ’ന്ന് ഉറക്കെപ്പറഞ്ഞായിരുന്നു അടിച്ചത്. എന്നാൽ ഇത് കാര്യമായിട്ടാണോ തമാശയ്ക്കാണോ എന്ന സംശയത്തിലായിരുന്നു ആരാധകര്. വിവാദത്തില് ഓസ്കര് അധികൃതര് ഔദ്യോഗികമായി പ്രതികരിച്ചിട്ടില്ല.
മികച്ച നടനുള്ള ഓസ്കര് പുരസ്കാരം വില് സ്മിത്താണ് നേടിയത്. കിങ് റിച്ചഡിലെ അഭിനയത്തിനാണ് പുരസ്കാരം ലഭിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
